Në UKZ kanë nisur takimet punuese për procesin e akreditimit institucional

Rektori i Universiteti Publik ‘’Kadri Zeka’’ në Gjilan Prof. Asoc. Dr. Bajram Kosumi, me qëllim të përgatitjes sa më të mirë të procesit të akreditimit 2020/21, kërkon mobilizimin e gjithë stafit të Universitetit duke u nisur nga prorektorët, dekanët, prodekanët, stafit akademik dhe administratës, etj.

Përveç akreditimit institucional, në proces janë edhe 12 programe studimore për akreditim/riakreditim.

Universiteti  Publik ’’Kadri Zeka’’ në Gjilan në proces të ri akreditim institucional, ka për ri akreditim gjashtë  programe: Fillor dhe Parashkollor (BA), Shkencat Kompjuterike (BA), Finance dhe Kontabilitet i Aplikuar (BA), E-qeverisje (MA), Qeverisja Lokale dhe Shoqëria Demokratike (MA) si dhe për akreditim po ashtu ka në proces gjashtë programe të reja: Mësimdhënie në Gjuhë dhe Letërsi Shqipe (MA), Mësimdhënie e Kurrikula (MA), Kontrolla e Sistemeve dhe Inteligjenca Artificiale (MSC), Menaxhim dhe Ndërmarrësi (MSC), Juridiko-Penal (MSc), Administrimi dhe e Drejta e Unionit Evropian (BSc).

Për këtë Rektori Kosumi ka marrë vendim duke krijuar edhe agjendën për grupet punuese për secilin standard veç e veç (11 standarde ne total), të cilat grupe do të shkruajnë Raportin e  Vetëvlerësimit për Agjencinë e Kosovës për Akreditim.

Grupet punuese do të punojnë çdo ditë pune nga ora 08:00 deri në 16:00, përgjatë muajit nëntor dhe dhjetor 2020.

Në kuadër të këtij procesi deri tani të gjitha dokumentet e kërkuara janë dorëzuar me kohe duke përfshire edhe tabelën me bartës të të gjitha programeve studimore si dhe përfundimin e deklarimit te Stafit Akademik në platformën E-Akreditimi.

Vendimi per grupin punues per akreditim institucinal

Vendim per agjenden e punes se grupeve punuese per standardet e RVV-se per akreditim institucional 2020-2021

Vendim rreth procesit të akreditim institucional dhe të 12 programeve per akreditim-riakreditim në UKZ