Përfaqësues të Universitetit “Kadri Zeka” kanë pritur profesorët nga Universiteti Staffordshirit

Në Universitetin “Kadri Zeka” në Gjilan kanë qëndruar për një vizitë Profesor Iraj Hashi dhe Jenny Herbert nga Universiteti Staffordshirit në Angli. Në emër të Universitetit “Kadri Zeka”, mysafirët i ka përshëndetur prorektorja për Mësim, Kërkime Shkencore dhe Çështje të Studentëve, Shpresë Qamili, e cila gjithashtu i ka falënderuar për bashkëpunim. Ndërkohë që profesor Iraj Hashi dhe Jenny Herbert,  janë takuar me dekanin e Fakultetit Ekonomik, Gëzim Tosuni dhe koordinatoren e projekteve, Luljete Berisha. Qëllimi i takimit mes përfaqësuesve të UKZ-së dhe profesorëve Ndërkombëtar kryesisht kishte të bënte me njoftimin dhe parapërgatitjet për fillimin e  implementimit të projektit  “Entrepreneurial Universities for Industry Alliances / EUFORIA”  në kuadër të programit Erasmus +, në të cilin Universiteti i Stafordshirit është koordinator kryesor kurse Universiteti “Kadri Zeka” në Gjilan është partner në këtë projekt.

Projekti ne fjalë do të implementohet për vitin akademik 2015/2016. Ky projekt ka synim aftësimin e studentëve dhe stafit akademik sipas praktikave më të mira evropiane. Gjithashtu objektiva të këtij projekti janë aftësimi për zhvillimin e bashkëpunimit të qëndrueshëm në mes të universiteteve brenda në Kosovë dhe universiteteve Evropiane ne mënyrë që universitetet të zhvillojnë dhe t’i përdorin përvojat më të mira për nxitjen dhe zhvillimin e iniciativës ndërmarrëse nëpërmjet formave të ndryshme; kurse, trajnime, dhe shërbime të tjera.