Qendra Pema në bashkëpunim me Parlamentin Studentor organizojnë ligjëratë mbi autizmin

Dhjetor 6, 2019

Parlamenti Studentor i Universitetit “Kadri Zeka” në Gjilan, në shënim të javës për fëmijë me nevoja të veçanta, organizoi ligjëratë mbi autizmin dhe ndikimin e tij në shkollë dhe jetën sociale të fëmijës.

Elitë Bardhi, nga Parlamenti Studentor, tha se shënimi i kësaj ngjarje ka për qëllim që të promovojë mirëkuptimin, humanitetin dhe të sensibilizojë opinionin e gjerë për të drejtat që duhet t’i gëzojnë edhe këta persona me nevoja të posaçme, si dhe integrimin e tyre në të gjitha fushat e jetës, si në sferën sociale, arsimore, ekonomike dhe kulturore .

Ndërsa Ema Sallahu koordinatore nga Qendra Pema, u shpreh mirënjohëse për mbështetjen e vazhdueshme nga grupi studentëve për qendrën dhe organizimet në vazhdimësi.

Studentët në këtë organizim ishim mjaft aktiv, derisa kanë shprehur interesimet e tyre rreth gjendjes aktuale për mbështetjen institucionale, mungesës së mësuesve mbështetës apo asistentëve për fëmijët me nevoja të veçanta.

Parlamenti Studentor informoi të pranishmit se së shpejti do organizohen edhe disa aktivitete që kanë për qëllim të ndihmojnë Qendrën Pema.