Studentët e Fakultetit të Edukimit dhurojnë dhurata për fëmijët e qendrës PEMA

Dhjetor 31, 2020

Disa studentë të Fakultetit të Edukimit nënë udhëheqjen e Profesoreshës së artit muzikor, Drita Kryeziu, në prag të festave të fund vitit kanë  përgatitur rreth 70 dhurata të ndryshme, të cilat ia kanë dhuruar Qendrës së Kujdesit Ditor “PEMA” në Gjilan, e cila ofron shërbime ditore për fëmijët me nevoja të veçanta.

Profesoresha  Drita Kryeziu falënderoj stafin për mirëpritjen që ju ka bërë studentëve te Universitetit “Kadri Zeka”, duke shtuar se, kjo është një simbolik që në prag të festave të fund vitit të gëzohen edhe fëmijët të cilët kanë më së shumti nevojë që t’ju dilet në ndihmë  këto ditë festash.

Stafi i Qendrës PEMA falënderoi të gjithë për dhuratat dhe për aktivitetin muzikor, duke thënë se fëmijët sot janë mbushur me gëzim e kënaqësi dhe do ta mbajnë gjatë në kujtesë këtë ditë.